TINUKOY na ng kampo ni President-elect Ferdinand “Bongbong” Marcos Jr. ang mga performers na aawit sa paparating niyang inagurasyon ngayong Hunyo 30.
Ang actress/singer na si Toni Gonzaga ang kakanta sa Pambansang Awit ng Pilipinas.
Ang inauguration song naman na ‘Pilipinas Kong Mahal’ ay kakantahin ni Cris Villonco kasama ang mga taga Young Voice of The Philippines Chorale.
Ayon kay Direk Franz Imperial, magiging ‘solemn and simple’ lamang ang buong inagurasyon ni PBBM.
“The program we have prepared is very solemn and simple. It would be very traditional dahil sabi nga ni BBM sa vlog niya, ‘hindi kami lilihis pa sa tradisyon,” saad ni Imperial.
