PINANGUNAHAN ni Major Sayin Erwen Diploma ng Philippine Air Force (PAF) at team leader ng 82-man Philippine Inter-Agency Humanitarian Contingent (PIAHC) ang pagtanggap ng “humanitarian medal” mula kay Turkish President Recep Tayyip Erdogan.
Ito’y bilang pagkilala sa tulong at kabayanihan ng mga Pinoy rescuer sa kasagsagan ng search and rescue operations na isinagawa sa nasabing bansa.
Pinasalamatan din ni Civil Defense Administrator Undersecretary Ariel Nepomuceno ang bansang Turkiye sa pagkilala na ito para sa Philippine contingent.
Nauna nang binigyan ng parangal ang Pinoy recuers ng “Bakas Parangal” award mula sa National Disaster Risk Reduction and Management Council sa kabayanihan at sakripisyo ng mga ito para magligtas ng buhay.
