NAIS ngayon ni Cagayan de Oro City Rep. Rufus Rodriguez na gawing tax exempted ang balikbayan boxes.
Salig sa kanyang House Bill 6752, wala nang babayarang buwis para sa balikbayan box kapag naisabatas ang panukala.
Inaatasan din ng panukala ang Bureau of Customs (BOC) na gumamit ng “non-intrusive” methods sa pag-iinspeksyon sa mga balikbayan box gaya ng x-ray scan at bomb-sniffing dogs.
At mapabubuksan lamang ang package kung kinakailangan para bigyang proteksyon ang pinaghirapan ng mga OFW.
“These balikbayan boxes serve as the enduring testament of their sacrifice and hard work in order to secure a better future for their families back home. They represent their love and care for their families, who have to endure months or even years of separation from each other,” ani Rodriguez.
Batay sa datos, nasa 400,000 balikbayan ang pumapasok sa bansa kada buwan na siyang mabibigyang proteksyon ng panukala.
