PINALAWIG pa ang visa-free entry program ng mga Pilipino sa Taiwan.
Sa anunsiyo ng Bureau of Consular Affairs ng Ministry for Foreign Affairs ng Taiwan, isang taon pa ang extension na ibinigay nito para sa Pilipinas, Brunei at Thailand.
Ang extension ay magsisimula sa Agosto 1, 2024 at magtatapos sa Hulyo 31, 2025.
Sa visa exemption program, maaaring manatili sa Taiwan ang isang Pilipino hanggang 14 na araw.
Sa kabilang banda, ang hindi lang kwalipikado sa visa free program ang crew members o service personnel ng isang Pinoy vessel at aircraft maging ang mga indibidwal na may diplomatic o service passports.
