TARGET ng weightlifting team ng Pilipinas na makapag-uwi man lang ng kahit dalawang gintong medalya mula sa 31st Southeast Asian Games.
Si Olympic Gold Medalist Hidilyn Diaz ang mangunguna sa 13-man squad ng weightlifters.
Dedepensahan ni Diaz ang kanyang titulo sa nalalapit na biennial meet at maliban sa kanya, anim pa na babaeng weightlifters ang sasabak sa event.
Ito ay sina Mary Flor Diaz, Rosegie Ramos, Margaret Colonia, Elreen Ann Ando, Vanessa Sarno at Kristel Macrohon.
Sa lalaking weightlifters ay sasabak sina Nestor Colonia na dati nang sumali sa Olympics, Fernando Agad, Rowel Garcia, Lemon Denmark Tarro, John Paul Padullo at John Dexter Tabique.
Sinabi ni Samahang Weightlifting ng Pilipinas President Monico Puentevella na maaaring daan ang SEA Games para makasali ang National Team sa Asian Games ngayong Setyembre sa Hangzhou, China.
