BINIGYAN ng British Empire medals ni King Charles ang South Korean girl group na Blackpink sa kanilang naging pagbisita sa Buckingham Palace sa United Kingdom nitong Nobyembre 22, 2023.
Matatandaang nagsilbing COP26 Ambassadors para sa United Nations Climate Summit noong 2021 ang Blackpink na binubuo ng members na sina Jisoo, Jennie, Rosé, at Lisa.
Ang South Korean girl group na ang pangalawang sikat na girl group kasunod ng Spice Girls noong 1997 na bumisita at nakipaghalubilo kay King Charles noong siya ay prinsipe pa lamang.
Maliban dito ay naging sustainable development goals advocates na rin ng United Nations ang Blackpink.
Samantala, mula sa K-pop, naging Special Presidential Envoy for Future Generations and Culture ng South Korea ang boy group na BTS sa United Nations General Assembly noong 2021.
Nakiisa rin ito sa kampanya ng generation unlimited campaign ng United Nations Children’s Fund (UNICEF).
Ang grupong Seventeen ay speakers rin sa United Nations Educational, Scientific and Cultural Organization (UNESCO) noong Nobyembre 14, 2023.
