HINDI kasali sina Jordan Clarkson at Kai Sotto sa mga pocket tournaments at tuneup games ng Gilas Pilipinas para sa 2023 FIBA World Cup ngayong Agosto.
Sa anunsiyo ng Samahang Basketbol ng Pilipinas (SBP), posibleng papasok si Clarkson sa isang deal sa NBA o kaya subukan ang free market.
Si Sotto naman ay may posibilidad na papasok sa NBA Summer League.
Sa kabila nito, kahit wala ang dalawa ay pangungunahan nina Justin Brownlee at Angelo Kouame ang Gilas Pilipinas.
Kasama rito sina Dwight Ramos, Chris Newsome, Rhenz Abando, Jordan Heading, CJ Perez, RR Pogoy, Scottie Thompson, Jamie Malonzo, Japeth Aguilar, Poy Erram, Carl Tamayo, Ray Parks Jr., June Mar Fajardo, AJ Edu, Calvin Oftana, Kiefer at Thirdy Ravena.
