NAGKAROON ng sunog kagabi sa tanggapan ng Commission on Elections (COMELEC) na agad namang naapula.
Sa kabila ng nangyari ay inihayag ng COMELEC na walang mahahalagang datos o equipments ang nasira sa insidente.
Alas 6:48 kagabi, araw ng Linggo, nang madiskubre ng mga empleyado ng COMELEC mula sa Information Technology Department nasusunog ang kanilang opisina.
Alas 6:53 ng gabi nang inaakyat ng BFP ang sunog sa first alarm.
Agad namang naka-deploy ng fire trucks, asset, at mga bombero ang BFP at 7:02 ng gabi nang inakyat sa second alarm ang sunog at dakong 8:16 nang idineklarang fired out na ang sitwasyon.
“They immediately alerted the COMELEC Organic Security Force on duty, who promptly made an all points broadcast of the incident, paving the way for the immediate report of the fire incident to the Bureau of Fire Protection Intramuros Station,” pahayag ni COMELEC Acting Spokesperson Rex Laudiangco.
Sa pahayag ni Laudiangco, sinabi nito na walang empleyado ang nasugatan o namatay dahil sa sunog dahil agad na nakapag-evacuate ang mga ito.
“All ITD personnel on duty have been safely evacuated, and together with all duty guards, electricians and other general services personnel of the COMELEC, including Palacio del Gobernador Security and Maintenance Personnel, are all accounted for,” ayon kay Laudiangco.
Naganap lang din aniya ang sunog sa reception area ng ITD sa 7th Floor at minimal lang aniya ang damage sa propriyedad at kanilang mga kagamitan.
Dadgag pa ni Laudiangco, ang lahat ng COMELEC Servers at vaults na naka-locate sa ITD kasama ang mga equipment at mga dokumento sa lahat ng opisina ay ligtas mula sa nangyaring sunog.
Safe din aniya ang mga election results noong nakaraang halalan.
Tiniyak din ng COMELEC, na ang lahat ng datos sa voter registration ay naka-secure, safe at hindi naapektuhan ng sunog.
“Similarly, Voter’s Registration Data are safe, secure, intact and unaffected at another secured vault, with the back-up at a secured off-site location dedicated for the purpose,” ayon kay Luadiangco.
“Given the limited area directly affected by the fire, other digital and physical files, administrative, operational or judicial are all safe, secure, intact and unaffected,” dagdag nito.
At habang nagsasagawa ng imbestigasyon ang BFP kaugnay ng insidente, ang lahat ng empleyado na nakabase sa Palacio del Gobernador ay nakawork-from-home status muna ngayong araw ng Lunes, Agosto 1, 2022.
