NAKIPAG-ugnayan ang People’s Initiative for Modernization and Reform Action (PIRMA) kay House Speaker Martin Romualdez para makakuha ng 3 porsiyento na lagda mula sa voters ng bawat Congressional district.
Kinumpirma ito mismo ni PIRMA Lead Convenor Noel Oñate kay Sen. Imee Marcos matapos na ipinakita sa kaniya ang larawan kung saan magkasama sila ni Speaker Romualdez, Ako-Bicol Rep. Elizaldy Co at iba pang mga abogado noong Enero 8, 2024.
Nang una siyang tinanong ni Sen. Chiz Escudero, sinabi niya kay Cagayan de Oro 2nd District Rufus Rodriguez at Ako-Bicol Rep. Alfredo Garbin lang siya nakipag-usap.
Paliwanag ni Oñate, nakalimutan niya lang banggitin ang pangalan ni Romualdez.
Samantala, sinabi ng PIRMA lead convenor na Enero 2 nagsimula ang talakayan hinggil sa People’s Initiative (PI).
