WALANG haharang na batas sakaling ninanais ni dating Pangulong Rodrigo Roa Duterte na bumalik sa politika.
Bagamat isang term lang ang maaari para sa tatakbong pangulo ng bansa, sinabi ni dating PDP-Laban leader at Surigao del Sur 2nd District Rep. Johnny Pimentel, sa pagiging bise presidente naman tatakbo kung sakali si FPRRD at walang batas na magbabawal nito.
Nangyari na rin ito kay dating Pangulo at ngayo’y Pampanga 2nd District Rep. Gloria Macapagal-Arroyo.
Matatandaang sinabi ni FPRRD na magbabalik-politika ito kung mapatalsik ang kaniyang anak na si Vice President at Education Sec. Sara Duterte lalo na’t may napapabalitang impeachment complaint na pinaplano sa Kamara laban dito.
Ito nga’t posibleng tatakbo sa pagka-bise presidente o senador si FPRRD.
