NAKUMPISKA ng mga tauhan ng Philippine National Police-Drug Enforcement Group (PNP-DEG) ang higit P400-K halaga ng droga sa isang lalaki matapos ang buy-bust operation sa Zamboanga City.
Ayon kay PDEG. Director PBGen. Faro Antonio Olaguera, kinilala ang suspek na si Jerdan Ahmad Yusop, 45 taong gulang.
Nakuha sa kaniya ang nasa 60 gramo ng hinihinalang shabu na may standard drug price na P408-K.
Agad na dinala sa istasyon ng pulisya ang mga nakuhang ebidensiya para sa documentation at proper disposition.
Habang sasampahan ang suspek ng paglabag sa RA 9165 (Comprehensive Dangerous Drugs Act of 2002).
