NAGLABAS ng survey ang OCTA Research sa mga personalidad na posibleng iboto sa paparating na 2025 mid-term elections.
Sa listahan ng mga personalidad, sino sa kanila ang iboboto ninyong senador sa paparating na 2025 elections?
‘Yan ang tanong sa kanilang pinakahuling ‘Tugon sa Masa’ survey na isinagawa ng OCTA Research.
Sa survey, nanguna ang broadcaster at dating Department of Social and Welfare and Development (DSWD) Chief Erwin Tulfo.
73 porsiyento ng mga respondents sa survey ang nagsabi na kanilang iboboto para senador si Tulfo na ngayon ay sitting congressman ng Anti-Crime and Terrorism Community Involvement and Support (ACT-CIS) Party-list.
Si Senator Christopher ‘Bong’ Go, pangalawa sa puwesto na may voter preferences ng 55 porsiyento na paborito sa pagboto.
Sunod sa may malaking voter preferences si dating Senate President Tito Sotto III na 49 porsiyento.
Samantala, si Senador Ronald “Bato” Dela Rosa, nakakuha ng 44 porsiyento na voter preference kaya ika-3-5 na puwesto sa survey.
Nasa ika-4-6 na puwesto naman si Sen. Imee Marcos na may 43 porsiyento na voter preference.
Si dating Senador Manny Pacquiao naman ay nasa ika-5 hanggang ika-10 na may 38 porsiyento voter preference.
Nag-aagawan naman sa ika-6-10 na mga puwesto si Sen. Pia Cayetano sa 37 porsiyento na paborito, Senator “Bong” Revilla sa 36 porsiyento.
Dating Manila Mayor Isko Moreno Domagoso na may 35 porsiyento at si Sen. Lito Lapid sa 33 porsiyento.
Habang sina dating Sen. Panfilo “Ping” Lacson at Francis Tolentino ay may 26 porsiyento voting preference sa survey na nalalagay sa 11-15 na puwesto.
Nabanggit naman sa survey ang ilang mga personalidad.
Gaya nina dating VP Leni Robredo.
Pati si SMNI Anchor at dating Presidential Spokesperson Atty. Harry Roque.
Nakakuha rin ng voter preference ang TV/host na si Willie Revillame.
Naroon din sa survey si Cong. Richard Gomez, dating DILG Sec. Mar Roxas, former PNP Guillermo Eleazar, former Congressman Mike Defensor maging si Cebu Governor Gwen Garcia.
Nasa listahan din si Sagip Party-list Rep. Rodante Marcoleta, Valenzuela Rep. Eric Martinez, Batangas Governor Dodo Mandanas at iba pang personalidad.
