MASAYANG nakiisa ang iba’t ibang sektor sa Mountain Province para sa kanilang taunang pagdiriwang ng Lang-ay Festival.
Ngayong araw ng Lunes, April 1, 2024, opisyal na nagsimula ang kanilang 10 araw na selebrasyon ng ika-57 taong pagkakatatag ng Lang-ay Festival.
Bukod sa civic parade, magkakaroon din ng cultural shows, at pagbibigay ng pagkilala sa mga natatanging indibidwal at grupo na nagkaroon ng kontribusyon sa pag-unlad ng probinsiya.
Ang “Lang-ay” ay native dialect na ang ibig sabihin ay salu-salo, pagsasama-sama ng pamilya, hospitality, kapayapaan at pagkakaibigan.
