NAKATAKDANG magbalik-bansa ang sikat na K-pop girl group na ITZY para sa fan meet nito sa April 16.
Gaganapin ang fan meet sa April 16 sa MOA Arena ayon sa local clothing brand na ine-endorse ng 5-member group.
Matatandaan na noong Enero lamang nang nag-perform ang ITZY na binubuo nila Yeji, Lia, Ryujin, Chaeryoung at Yuna sa MOA Arena para sa back-to-back concerts nito bilang parte ng kanilang “Checkmate” World Tour.
Ang ITZY ay nasa ilalim ng JYP Entertainment na siyang agency rin ng iba pang sikat na K-pop group gaya ng Twice at Stray kids.
Ang ITZY rin ang nasa likod ng mga sikat na kantang “Dalla Dalla,” “Wannabe” “Not Shy” at “Icy.”
