ITINALAGA si Colonel Alexei Musñgi bilang bagong Commander ng Joint Task Force-National Capital Region (JTF-NCR).
Pinalitan ni Musñgi si Brigadier General Marceliano Teofilo na nanunungkulan na bilang Chief ng AFP Intelligence Service.
Pinangunahan ni AFP chief of staff Lieutenant General Bartolome Vicente Bacarro ang change of command ceremony sa AFP Commissioned Officers Club, Camp Aguinaldo, Quezon City.
Sa mensahe ni Bacarro, binigyang-diin nito ang kahalagahan ng JTF-NCR at ng Commander nito sa pangkalahatang katatagan at pag-unlad ng bansa.
Tiwala rin aniya ito sa kaalaman ni Musñgi pagdating sa intelligence, operations, at civil-military engagements, training, at personnel management na magagamit niya sa kanyang bagong tungkulin.
Bago maitalaga sa pwesto, si Musñgi ay nagsilbing Commander ng 1002nd Infantry Brigade, Assistant Chief of Staff for Operations ng Philippine Army at Commander ng 48th Infantry Battalion.
