IPINAG-utos ng Anti-Money Laundering Council (AMLC) sa lahat ng financial institutions at government agencies na mai-freeze ang bank accounts at assets ni Bamban, Tarlac Mayor Alice Guo.
Ito’y kaugnay pa rin sa pagkakasangkot ni Guo sa umano’y operasyon ng POGO sa kanilang lugar.
Maliban kay Guo ay freezed rin ang assets nina Huang Zhiyang at Lin Baoying.
Sa kabuuan, saklaw nito ang 90 bank accounts sa 14 na financial institutions, ilang real properties at high-value personal properties kasama na ang luxury vehicles at helicopter.
