PINALAYA na si dating Philippine Drug Enforcement Agency (PDEA) agent Jonathan Morales mula sa Senate detention.
Ayon kay Senate Sergeant-at-Arms Roberto Ancan, bandang alas siyete ng gabi nitong Mayo 23, 2024 nang pinalaya si Morales kasabay si dating National Police Commission (NAPOLCOM) Staff Eric “Pikoy” Santiago.
Matatandaang ang dalawa ay na-contempt dahil sa pagsisinungaling sa Senate investigation na may kaugnayan sa leaked PDEA documents.
Ang tinutukoy na leaked PDEA documents ay isang pre-operation report kung saan makikita rito na naging target ng isang 2012 anti-drug operation ang noo’y senador at ngayoy Pangulong Ferdinand R. Marcos Jr. kasama ang aktres na si Maricel Soriano.
