PORMAL nang umupo si Major General Fernyl Buca bilang Commander ng AFP Northern Luzon Command (NOLCOM) kapalit ni Lieutenant General Ernesto Torres Jr. na magreretiro sa serbisyo sa militar ngayong araw.
Ang change of command ceremony na isinagawa sa Camp Aquino, Tarlac City ay pinangunahan ni AFP chief of staff General Andres Centino.
Sa talumpati ni Buca, tiniyak nito na kanyang itutuloy ang “momentum” na nasimulan ni Gen. Torres sa paglaban sa Communist Terrorist Groups.
Gayundin ang pagtiyak sa kapayapaan, seguridad at pag-unlad sa North at Central Luzon.
Si Buca ang kauna-unahang Air Force Officer na mamumuno sa NOLCOM.
Siya ay dating AFP Deputy Chief of Staff for Logistics, J4; Air Force Inspector General; at itinuturing “King Mentor” ng Air Education, Training, and Doctrine Command.
