NAGBABALA si Senador Chiz Escudero sa plano ng Department of Finance (DOF) laban sa pagpapataw ng mga bagong buwis.
Ani Escudero, bagama’t tataas ang kita ng pamahalaan ay tiyak na magiging pasanin naman ito para sa mga kababayan na apektado pa rin ng COVID-19.
Sa isang pahayag, sinabi ni Escudero na dapat maging sensitibo ang gobyerno sa hirap na dinaranas ng publiko sa gitna ng pagtaas ng presyo ng pagkain, gasoline, at kuryente sa likod ng matagal na masamang epekto ng pandemya.
“It is always easier to go for imposing new or increasing whatever existing taxes in order to raise revenues for government. However, this is burdensome and is not in keeping with the times. There is slow economic growth, increased unemployment and rising inflation,” ani Escudero.
Sa halip na mga bagong buwis, hinimok ni Escudero si Finance Secretary Benjamin Diokno na palakasin ang kasalukuyang sistema ng pangongolekta ng buwis at pag-ibayuhin ang paglaban sa katiwalian sa loob ng Bureau of Internal Revenue (BIR) at Bureau of Customs (BOC).
“I think the first order of business for the new Finance Secretary is to plug the loopholes, clean up and make collection of existing taxes and duties by the BIR and the BOC. With nearly P200 billion in uncollected taxes lost to either corruption or inefficiency, this is by far more than any projected revenue of the new taxes he is mulling,” ani Escudero.
Inilabas ng senador ang pahayag matapos ianunsyo ni Diokno na kinokonsidera ng administrasyong Marcos ang pagbubuwis sa mga single-use plastic at online na pagbili, kabilang ang mga subscription sa streaming apps tulad ng Netflix, upang mapataas ang kita ng gobyerno na pinambabayad naman sa bilyun-bilyong utang ng bansa, at pondohan ang mga programang pang ekonomiya at mga proyektong pang-imprastraktura.
Una na ring sinabi ni Escudero na bukod sa paglaban sa katiwalian at pagpapabuti ng mga pagsusumikap sa koleksyon ng bansa, dapat ding isaalang-alang ng gobyerno ang pagbebenta at pagsasapribado ng mga non-performing asset nito.
Iminungkahi din niya ang pag-maximize ng public-private partnerships (PPP) para pondohan ang pagpapaunlad ng imprastraktura.
“May mga paraan upang palayain ang piskal na espasyo para sa pagbabayad ng utang, sa halip na agad na tumingin sa mga bagong buwis. PPP ay ang paraan upang pumunta. Para sa pangmatagalang panahon, ang gobyerno ay dapat magsikap ng higit na pag-alis ng katiwalian,” ayon pa ni Escudero.
Karamihan sa senador ay pabor sa pagpapataw ng buwis sa single use plastic at online services kabilang dito sina Senators Grace Poe, Bong Revilla, at Sonny Angara.
