NAG-DEPLOY ang Philippine Red Cross ng kanilang medical assets at services maging staff at volunteers para sa Undas 2022.
Ipakakalat nila ito sa iba’t ibang transportation hubs at memorial parks sa buong bansa.
Partikular na magbibigay serbisyo ang Red Cross sa mga motorista at biyahero.
Sa kabuuan, 1, 104 na trained first aiders at 22 na Red Cross staff ang ipapakalat.
217 First Aid Stations ang itatayo sa 235 cemeteries, bus terminals, seaports, airports at mga daanan lalong-lalo na ang major highways sa Abra; Ifugao; Mt. Province; Northern Luzon Expressway; Sta. Rosa, Laguna; Davao del Sur; Surigao del Sur; at Valenzuela City.
