ITINALAGA bilang bagong commandant ng Philippine Marines si Major General Nestor Herico.
Kinumpirma ito ni Department of National Defense (DND) Secretary Delfin Lorenzana sa isang pahayag.
Sa hiwalay na pahayag, sinabi ng Armed Forces of the Philippines (AFP) na uupo sa posisyon si Herico sa Pebrero 21, 2022.
Papalitan nito ang magreretirong si Major General Ariel Caculitan.
Samantala, binati rin ni Lorenzana ang pagkakatalaga ni Major General Ernesto Torres Jr. bilang bagong commander ng AFP Northern Luzon command at ni Rear admiral Alberto Carlos bilang bagong Chief ng AFP Western command.
