UMAPELA ang singer-actor na si Kyle Echarri sa publiko lalong-lalo na sa kanyang fans na ipagdasal ang kanyang kapatid na babae.
Sa Instagram post ni Kyle, ibinahagi nyang na-diagnose ng brain tumor ang kanyang nakababatang kapatid na si Bella.
Nalaman lang aniya ito noong Hunyo 21 kahit pa noong Mayo 2 pa nadiskubre ang sakit ni Bella.
Ayon kay Kyle, nais itong itago ng kanyang kapatid upang hindi siya mag-alala kung kaya’t delayed siya sa naturang impormasyon.
Ibinahagi naman ni Kyle na sumasailalim sa radiation treatment si Bella at positibo silang maka-recover ito.
