BUMISITA si Vice President Leni Robredo sa headquarters ng AFP Western Mindanao Command (WESTMINCOM) sa Camp General Navarro sa Zamboanga City.
Sinalubong si Robredo ni AFP WESTMINCOM commander Lieutenant General Alfredo Rosario Jr. at ilan pang matataas na opisyal.
Kasabay nito, pinuri ni Robredo ang kapayapaan at pag-unlad sa Western Mindanao partikular sa mga komunidad na kanyang binisita sa Zamboanga Peninsula, Sulu, Tawi-Tawi, at Basilan.
Sinuportahan din ni Robredo ang kampanya ng militar upang mabuwag sa natitirang grupo ng terorista sa rehiyon.
Samantala, nagbigay si Robredo ng antigen test kits at iba pang medical supplies sa Camp Navarro General Hospital.
