SINUSPINDE ni Pangulong Ferdinand R. Marcos Jr. ang implementasyon ng Results-Based Performance Management System (RBPMS) at Performance-Based Incentive (PBI) system.
Batay ito sa Executive Order No. 61 na nilagdaan ni Executive Secretary Lucas Bersamin noong Hunyo 3 kung saan pinapasuspinde ang Administrative Order 25, EO 80 at iba pang kaugnay na mga issuance.
Rason ni Pangulong Marcos sa suspensiyon, ito’y para maiwasan ang duplications ng ibang performance audit at evaluation systems ng gobyerno.
Maliban pa rito, kulang din aniya ang mechanisms ng RBPMS at PBI system.
Sa katunayan, bubuo ng technical working group para sa pagsasagawa ng review ng RBPMS at PBI system.
