AFP chief, bumisita sa AFP Western Command

AFP chief, bumisita sa AFP Western Command

MAINIT na tinanggap ni AFP Western Command (WesCom) commander Vice Admiral Alberto Carlos si AFP chief of staff Lieutenant General Bartolome Vicente Bacarro sa pagbisita sa headquarters ng WesCom sa Camp General Artemio Ricarte, Puerto Princesa, Palawan.

Si Bacarro ay binigyan ng arrival honors at lumahok din sa tradisyonal na tree planting bilang bahagi ng pangangalaga sa kapaligiran ng WesCom.

Matapos nito, nagkaroon si Carlos ng command briefing at security updates sa AFP chief.

Tiniyak ni Bacarro ang kanilang suporta sa mga pangangailangan ng Western Command upang maprotektahan ang territorial integrity at pambansang interes sa West Philippine Sea.

Ipinakita rin kay Bacarro ang Strategy Map ng WesCom para sa transformation journey nito sa Base Camp 2023-2028.

Follow SMNI NEWS in Twitter