ILANG opisyal ng Armed Forces of the Philippines (AFP) ang nabigyan ng mga bagong posisyon ngayong araw.
Itinalaga si Brigadier General Fernando Reyeg bilang Deputy Chief of Staff for Education, Training, and Doctrine, J8.
Ang Change of Chief of Office Ceremony na isinagawa sa Camp Aguinaldo, Quezon City ay pinangunahan ni AFP Deputy Chief of Staff Vice Admiral Rommel Anthony Reyes.
Pinalitan ni Reyeg si Rear Admiral Donn Anthony Miraflor na itinalaga bilang Commander ng Naval Forces Western Mindanao.
Si Reyeg ay miyembro ng Philippine Military Academy (PMA) “Sambisig” Class of 1991.
