DINEPENSAHAN ni Jordan Clarkson ang Gilas Pilipinas head coach na si Chot Reyes matapos itong makatanggap ng boo mula sa mga fans sa home crowd sa kalagitnaan ng FIBA World Cup 2023 Asian Qualifiers laban sa Saudi Arabia.
Hindi natuwa ang NBA star sa mga pangbu-boo ng mga fans sa bawat pagkakataon na ipapakita si Reyes sa screen.
Ayon kay Clarkson, parte si Reyes ng kanilang team, at hindi nito kailangang maranasan ang ginawang pambabastos ng mga audience.
Parehas din ang naging sentimyento ni Dwight Ramos na sinabing hindi magandang simula para sa kanila ang pangbu-boo ng mga fans sa kanilang coach dahil nasa iisang team lamang sila.
Iginiit ng manlalaro na kung susuportahan nila ang isa sa kanila ay dapat din nilang suportahan ang buong team.
Si Reyes ay nakakatanggap ng pambabatikos simula nang palitan nito si Tab Baldwin simula Pebrero ay nananatiling hindi apektado sa bashing na natatanggap nito at sinabing okay lang na makatanggap siya ng pambu-boo sa mga fans at wag lang ang kanyang mga manlalaro.
