NAG-COURTESY call si European Union (EU) Ambassador to the Philippines Luc Véron kay Defense OIC Senior Undersecretary Jose Faustino, Jr. sa Camp Aguinaldo, Quezon City.
Sa naganap na pulong, kapwa nagpahayag ang dalawa sa magandang resulta ng bilateral relations sa pagitan ng Pilipinas at EU partikular na sa defense at security cooperation.
Gayundin sa kahalagahan ng United Nations Convention on the Law of the Sea (UNCLOS) para matiyak ang freedom of navigation at maayos na pagresolba sa territorial dispute sa West Philippine Sea.
Kasabay nito, pinasalamatan ni Faustino ang EU sa tulong sa disaster relief operations.
Samantala, inaasahan ni Véron ang pagdalo ng Philippine delegation sa 45th ASEAN-EU Anniversary sa darating na Disyembre sa Brussels, Belgium.
