NGAYONG Biyernes Santo, muling nasilayan sa bayan ng Mansalay ang makalumang tradisyon ng penitensya, isang taos-pusong pagpapahayag ng pagsisisi, pananampalataya, at debosyon ng mga debotong Katoliko.
Ang penitensyang ito ay isinasagawa sa anyo ng paglalakad nang walang sapin sa paa, pamamalô sa sarili, at iba’t ibang sakripisyo ng katawan bilang simbolikong pakikiisa sa paghihirap ni Hesukristo.
Itinuturing ito bilang isa sa pinakamatinding anyo ng debosyon sa Oriental Mindoro tuwing Semana Santa, at patuloy na isinasabuhay ng maraming deboto bilang panata o paghingi ng kapatawaran.
Sa kabila ng modernong panahon, nananatiling buhay at makabuluhan ang ganitong tradisyon sa puso ng mga Mansaleño—isang patunay ng buhay na pananampalatayang Pilipino.
Nagtulungan ang LGU, simbahan, at mga volunteers upang matiyak ang seguridad at kaayusan ng aktibidad, habang pinapaalalahanan ang mga kalahok na isagawa ito nang may pananagutan at pag-iingat.
