SIYAM na baybayin ang positibo na naman ng paralytic shellfish poison o mas kilala bilang Red Tide.
Sa latest bulletin ng Bureau of Fisheries and Aquatic Resources (BFAR), ang mga ito ay ang Dauis at Tagbilaran City sa Bohol; Dumanquillas Bay sa Zamboanga del Sur; at San Benito sa Surigao del Norte.
Maging ang Daram Island, Zumarraga Island at Cambatutay Bay sa Samar; Matarinao Bay sa Eastern Samar; at Cancabato Bay sa Leyte.
Sa paalala ng BFAR, hindi ligtas para ikunsumo ang lahat na uri ng shellfish lalong-lalo na ang alamang dahil sa Red Tide.
Tanging mga isda, pusit, hipon, at alimasag ang maaaring kainin mula sa nabanggit na coastal areas.
