Pag-iwas na pangalanan ang ‘donor’ ng P10-M pabuya laban kay Pastor Apollo, delikado

Pag-iwas na pangalanan ang ‘donor’ ng P10-M pabuya laban kay Pastor Apollo, delikado

LUBHANG delikado kung hindi papangalanan ng pamahalaan ang mga donor na tinutukoy ni Department of the Interior and Local Government (DILG) Secretary Benhur Abalos na umano’y nagbigay ng donasyon bilang pabuya laban kay Pastor Apollo C. Quiboloy.

‘Yan ang ipinunto ng legal counsel ng Kingdom of Jesus Christ (KOJC) na si Atty. Israelito Torreon sa ginanap na KOJC press conference nitong araw ng Huwebes.

“It is very dangerous on the part of the officers to not name your sources of funds. Kasi dito, ehh! Baka foreign sources po ito o baka galing sa Amerika ba ito? Oh, galing ba sa ibang sources ito, sa left ba ito o galing ba ito sa taong may kailangan kay Sec. Abalos? Para ma-elect siya pagka senador siguro?” ayon kay Atty. Israelito Torreon, KOJC Legal Counsel.

Ilang ulit nang binigyang-diin ng KOJC legal counsels at maging ang iba pang mga abogado na labag sa Republic Act 6713 ang pagtanggap ng gobyerno ng pribadong donasyon.

Pero bukod sa nasabing batas, labag din ani Torreon ang ginawa ni Abalos sa Republic Act 3019 (Anti-Graft and Corrupt Practices Act).

“Ni-research namin sa jurisprudence, connected pala ito sa RA 3019 Sec. 3-C. ‘Yung magkuha ka ng pondo from private sources and the purpose of prohibiting this, is really because of public trust,” ani Torreon.

Una na ring sinabi ng dating tagapagsalita ng Malacañang na si Atty. Harry Roque na makokonsiderang ‘graft’ ang pagtanggap ng DILG ng donasyon mula sa mga pribadong indibidwal.

Impeachment case vs. Marcos Jr., possible—KOJC Legal Counsel 

Kaya punto ni Torreon – may karapatan ang taumbayan na kuwestiyunin ang ginawa ng gobyerno sapagkat aniya ang pangunahing layunin ng Republic Act 6713 ay talagang isulong ang kasabihang ‘public office is a public trust’.

Ipinunto pa ni Torreon, posible rin ang isang impeachment case laban kay Marcos Jr.

“Baka it maybe a ground of an impeachment. Why? Because this may constitute betrayal of public trust. Why it may be true in the certain cases? The Supreme Court said, this is ‘catch-all provision.’ But if we can prove that there is really clear bad faith on the part of the President such as June 10, 2024 incident, and the fact that warrants of arrest were already served five times and the sheer force, or the volume of force that was exhibited was really a clear violation of Rule 113 Sec. 2 — would be perhaps a ground of a possible impeachment case. Of course, this may not succeed now, but it may succeed later,” saad ni Torreon.

Batay rin aniya sa Section 40 ng Executive Order 292, ang Oath of Office ay nag-uutos sa opisyal na sundin ang batas.

Matatandaang naghain ng motion for consideration ang KOJC legal counsel noong Marso 2024 para sa paglilipat ng mga kaso ni Pastor Apollo mula sa Davao RTC patungo sa QC RTC.

Pero imbes na aksiyunan ay huli na itong niresolba, na ayon kay Torreon ay labag aniya sa karapatan ni Pastor Apollo para sa mabilis na pagdinig sa kaso.

“So, saan po ang law dito? Instead of acting on our motion for reconsideration, they used excessive force in enforcing the warrant of arrest. If Pastor Quiboloy can really prove that there is grave abuse of discretion, because there is no crime in the first place. Then he can be set free. So, that is the issue that we are fighting for until this day,” saad pa nito.

Sa halip na magalit, dapat pakinggan ang panig ng KOJC

Kaya ani Torreon sa halip na magalit si Marcos Jr. habang ipinaglalaban nila ang mga karapatan ni Pastor Apollo at ng mga kapwa akusado ay aniya dapat ding tingnan ng Pangulo ang kanilang panig.

“Because in the first place, we trusted you. Mr. President. We trusted you, Pastor Apollo C. Quiboloy trusted you. We elected you into office and you are supposed to perform your role as the foremost executive official of the land and you should have implemented the laws that I have just cited,” giit ni Torreon.

Follow SMNI NEWS in Twitter

Follow SMNI News on Rumble