ARESTADO ng Philippine Drug Enforcement Agency (PDEA) ang tatlong drug suspect sa loob ng hinihinalang drug den na humantong din sa pagkakakumpiska ng nasa Php 102,000.00 halaga ng shabu kasunod ng buy-bust operation dakong alas-11:00 ng umaga, sa Purok 1, Brgy. Liwayway sa lalawigan ng Nueva Ecija nitong Martes, Hulyo 16, 2024.
Batay sa isinumiteng report ng team leader ng PDEA Nueva Ecija Region 3, kay Director General Moro Virgilio Lazo, kinilala ang mga suspek na sina Ricardo Magsilang y Tavora Jr., 43, residente ng Purok 1, Brgy. Liwayway, Sta Rosa, Nueva Ecija; June Feroso y, Gonzales, 23 anyos, residente ng Brgy. Doña Josefa, Alorma Site, Palayan City, New Ecija; at Jose Hengie Tapar y Tahil, 39 taong gulang, residente ng Brgy. Rajal South, Sta. Rosa, New Ecija.
Nabatid na may kabuuang walong piraso ng transparent plastic sachet na naglalaman ng humigit-kumulang 13 gramo na shabu at nagkakahalaga ng Php 102,000.00; sari-saring mga gamit sa droga; at ang buy-bust money.
Ang operasyon ay magkatuwang na isinagawa ng pinagsamang elemento ng PDEA Nueva Ecija Provincial Office, 191st Military Police Battalion, Armed Forces of the Philippines at Sta. Pink Police Station.
Kasong paglabag sa Comprehensive Dangerous Drugs Act of 2002 ang isasampa laban sa mga naarestong suspek.
