SA mga fan ng Pinoy basketball at nakatutok sa 49th season ng PBA Governors Cup, maglalaro mamayang alas singko ng hapon, Setyembre 20 ang Phoenix Fuelmasters at NLEX Road Warriors.
Susundan naman ito ng game sa pagitan ng Northport Batang Pier at Magnolia Chicken Timplados Hotshots.
Kagabi, Setyembre 19 nang manalo ang Terrafirma Dyip kontra TNT Tropang Giga.
Sa winning score na 84-72, tinanghal bilang Best Player of the Game si Stanley Pringle ng Terrafirma matapos nag-ambag ito ng 18 points at 5 rebounds.
Samantala, panalo naman ang Rain or Shine Elastopainters kontra San Miguel Beermen sa iskor na 122-112.
Si Beau Belga ang best player dito matapos nag-ambag ng 16 points, 4 rebounds at 5 assists.
