ABALA ngayon sa kaniyang pag-eensayo ang Pinay mixed-martial artist na si Denice Zamboanga para sa kaniyang laban sa One Women’s Atomweight MMA World Title Championship ngayong Marso 1, 2024 sa Lusail Sports Arena, Qatar.
Makakalaban niya dito si Stamp Fairtex ng Thailand.
Kasama naman ni Denice sa kaniyang pag-eensayo ang kaniyang kapatid na si Drex Zamboanga at fiance nito na si One Friday Fights rising star Fritz Biagtan.
Samantala, maliban sa One Women’s Atomweight MMA World Title Championship, gaganapin din sa Qatar ang One Strawweight MMA World Championship, One Middleweight MMA World Championship at One Featherweight MMA World Championship.
