UMABANTE sa America’s Got Talent (AGT) ang Filipino fisherman na si Roland Abante, matapos makuha ang four yes ng mga hurado.
“Nice job and amazing”
‘Yan ang naging komento ni Heidi Klum isang hurado sa Americas’s Got Talent sa naging performance ni Abante.
Ito ay matapos pinahanga ni Abante ang mga manonood at hurado sa own version niya ng isang Percy Sledge original song na may pamagat na “When A Man Loves A Woman.”
Dahil dito, nakatanggap ng standing ovation si Abante at nakuha rin nito ang apat na “yes” ng mga hurado na sina Simon Cowell, Heidi Klum, Howie Mandel, at Sofia Vergara.
Kaugnay nito, ibinahagi ni Abante na bago ang kaniyang audition ay masugid itong nag-ensayo gamit lamang ang karaoke ng kanilang kapitbahay.
Samantala, ani Abante dream come true para sa kaniya ang makatapak sa entablado ng AGT kaya naman nag-uumapaw ng saya at pasasalamat ang puso nito.
