HINIHIKAYAT ni Sen. Pia Cayetano na mas suportahan pa ngayon ang cacao farmers sa bansa.
Partikular na hinikayat niya dito ang Department of Science and Technology (DOST), Department of Trade and Industry (DTI), at ang Department of Agriculture (DA).
Ito’y matapos ang kaniyang pagbisita sa Cebu para sa National Cacao Congress 2024 kung saan marami aniya siyang nakikitang mga produkto, isang senyales ng paglawak ng chocolate industry ng bansa.
Handa rin si Cayetano na tumulong sa manufacturers at attendees mula sa chocolate industry sakaling lalapit sa kaniyang opisina.
