BUMABA ng halos 22 sentimos (P0.218) kada kilowatt-hour ang singil ng Meralco para sa January 2025.
Katumbas ito ng P44 na bawas sa kabuuang bill ng mga komukonsumo ng 200 kilowatt-hour sa isang buwan; P66 kung 300 kilowatt-hour; P89 kung 400 kilowatt-hour; at P112 para sa 500 kilowatt-hour.
Sa ulat, sanhi rito ang pagbaba ng generation charge o singil sa paglikha ng kuryente sa wholesale electricity spot market.
Itinuturong dahilan din ng posibleng pagbaba ng singil ang bumubuting suplay ng kuryente sa Luzon grid.