NANGUNGUNA ang tandem nina former senator Ferdinand “Bongbong” Marcos Jr. at running mate nito na si Davao City Mayor Sara Duterte-Carpio sa Caloocan City.
Ito ay base sa survey na isinagawa ng Actual and Comprehensive Evaluation, Inc. noong December 2021.
Aabot sa 71% o 5, 164 sa mga kalahok sa survey mula sa 3rd district ng Caloocan ang nagsabi na pabor ito sa tandem ni BBM at Sara Duterte.
Dagdag pa ng survey, nakakuha ng 10% sina Vice President Leni Robredo at Manila City Mayor Francisco “Isko Moreno” Domagoso at sinundan naman nina Sen. Panfilo “Ping” Lacson-5%, Sen. Manny Pacquiao– 2% habang ang dalawang porsyento ng mga kalahok ay wala pang desisyon.
Si Marcos ay nakakuha ng 74% sa unang distrito ng Caloocan, 67% sa district 27 at 71% sa ika-tatlong distrito.
Samantala, nanguna rin ang Duterte Carpio sa survey para sa vice-presidential race na may 49 percent.
Sinundan ito ni Sen. Vicente “Tito” Sotto III na may 34 percent, Dr. Willie Ong– 9%, Sen. Francis “Kiko” Pangilinan– 4% at tatlong porsyento ang wala pang desisyon.
