Villanueva, pinarangalan ng World Integrity Prize dahil sa paglaban sa korapsyon

Villanueva, pinarangalan ng World Integrity Prize dahil sa paglaban sa korapsyon

IPINAGKALOOB kay Senador Joel Villanueva ang prestihiyosong World Integrity Prize at kinilala bilang isang “Tao ng Tapat na Integridad Laban sa Korapsyon” ng Anti-Corruption Civil Movement General Federation (ACCMGF) ng South Korea.

Ang parangal ay kumikilala sa kanyang mahuhusay na kontribusyon laban sa korapsyon at pagpapalaganap ng transparency sa loob ng kanyang 23 taon na paglilingkod sa publiko.

Ang ACCMGF ay isang makapangyarihang organisasyon na suportado ng Anti-Corruption and Civil Rights Commission ng South Korea, ay nakikipagtulungan sa higit 300 mga samahan sa buong mundo, kabilang na ang mga nasa politika, edukasyon, media, at iba pa, upang itaguyod ang integridad at transparency.

“As someone whose career in public service has been deeply influenced by the anti-corruption movement, receiving this World Integrity Prize is truly a great honor. This recognition strengthens my resolve to continue the fight for transparency and accountability,” pahayag ni  Sen. Joel Villanueva.

Ang dedikasyon ni Villanueva sa laban kontra-korapsyon ay nagsimula pa noong siya ay 26 taong gulang. Siya ay nagsilbi  bilang Chairman at Kinatawan ng Citizens’ Battle Against Corruption (CIBAC) Partylist. Sa kanyang panahon sa Kamara mula sa 12th hanggang 14th Congress, siya ay naging masugid na tagapagtaguyod ng mga hakbang tulad ng Procurement Act, Anti-Red Tape Act, at ang Freedom of Information (FOI) bill, na patuloy niyang isinusulong hanggang ngayon.

“It is not an easy task to fight the twin evils of graft and corruption. I believe that you have to increase accountability to all public offices,” pahayag ni Villanueva.

“When I started being a member of Congress and now in the Senate, everytime we pass a measure, I would always go for higher penalties for public officials because public office is a public trust,” dagdag niya.

Higit pa sa kanyang panahon sa Kongreso, ang karera ni Villanueva ay tinutukoy bilang makabagong hakbang sa pamumuno. Kilala bilang “Tesdaman,” itinalaga si Villanueva bilang Kalihim ng Technical Education and Skills Development Authority (TESDA) noong 2010 ni dating Pangulong Noynoy Aquino. Sa kanyang pamumuno, ipinakilala niya ang mga reporma na nagpasigla sa ahensya. Noong 2016, nahalal siya bilang senador at muling nahalal noong 2022, at nagsilbing Majority Leader ng Senado mula Hulyo 2022 hanggang Mayo 2024.

“When I joined the Senate in 2016, one of my priority bills was the establishment of the Independent Commission Against Corruption, inspired by the Korean Independent Commission Against Corruption,” ani Villanueva.

Binigyang-diin ni Villanueva na ang laban laban sa korapsyon ay patuloy na hamon.

“The fight against corruption is far from over. It has evolved into new forms, influenced by the advancement of technology and an increasingly liberal approach to societal issues, yet we remain hopeful because organizations like the ACCMGF remind us that we can still make a difference,” pahayag ni Villanueva.

 

Follow SMNI NEWS on Twitter