NAGPATUPAD ng balasahan ang Philippine National Police (PNP) sa 11 matataas na opisyal.
Sa pinakabagong unit reassignment na pirmado ni PNP Director for Personnel and Records Management Police Major General Robert Rodriguez, itinalaga si Police Brigadier General Roderick Mariano bilang acting district director ng Southern Police District (SPD).
Habang uupo sina Police Brigadier General Nicolas Salvador bilang acting director ng PNP Directorate for Plans at Police Brigadier General Ponce Peñones, Jr. bilang acting chief ng Legislative Affairs Center ng PNP Directorate for Plans.
Magsisilbi naman sina Police Brigadier General Rizalito Gapas bilang acting district director ng Northern Police District (NPD) at Police Brigadier General Kirby Kraft bilang acting regional director ng PRO CARAGA.
Inilipat din ng puwesto ang anim pang police colonel.
Epektibo ang balasahan kahapon, Hulyo 17, 2023.
