MAGPAPAKALAT ang Pentagon ng 1,500 military personnel sa border ng United States at Mexico.
Ito ang kinumpirma mismo ni Pentagon spokesman Pat Ryder.
Aniya, papalitan ng nasabing military personnel ang national guards kasabay ng pagtatapos sa ipinatutupad na COVID-19 restrictions sa border na tinatawag na ‘Title 42’ sa Mayo 11.
Magsisimula naman ang mga military personnel sa Mayo 10 na magtatagal ng 90 araw.
Inaprubahan ng U.S. Defense department ang deployment ng military forces upang mapigilan ang posibleng pagdagsa ng illegal migrants na posibleng magsasamantala sa pagtatapos ng restriksiyon.
Sa kasalukuyan, aabot sa 2,500 military personnel ang nasa border na nag-a-assist sa U.S Customs and Border Protection (CBP) Operation.
