SUMUKO sa PNP Criminal Investigation and Detection Group (CIDG) ang anim na pulis na sangkot sa pagpatay sa binatilyo na si Jemboy Baltazar sa Navotas City.
Ayon kay PNP-CIDG director Police Major General Romeo Caramat Jr., kabilang sa mga sumuko ay sina Police Executive Master Sergeant Roberto Balais Jr., Police Staff Sergeant Gerry Maliban, Police Staff Sergeant Antonio Bugayong Jr., Police Staff Sergeant Nikko Pines Esquilon, Police Corporal Edmard Jose Blanco at Patrolman Benedict Mangada.
Ang mga pulis ay sumuko matapos ilabas ng korte ang warrant of arrest dahil sa kasong murder.
Sumalang na sa booking process at documentation ang mga pulis.
Pansamantala silang mananatili sa kustodiya ng PNP-CIDG.
