NANUMPA na sa harap mismo ni Pangulong Bongbong Marcos, Jr., ang apat na Directors ng Maharlika Investment Corporation.
Ang mga ito ay sina Andrew Jerome Gan, German Lichauco at Roman Felipe Reyes at Asian Development Bank Veteran Executive Vicky Castillo Tan.
Ang kanilang appointment ay isang buwan matapos pinangalanan ni Rafael Consing Jr. bilang Presidente at Chief Executive officer ng Maharlika.
Si Jerome Gan ay Singapore advisor para sa Picfel & Cie, Banquiers; Managing Director rin ng Globe Land Development Corp at ng Beacon Holdings Inc; Director ng Nuovo Moda Incorporated; at Treasurer at Director of Communications ng Fil L-Mour Inc.
Si German Lichauco ay senior partner ng Siguion Reyna, Montecillo, ang Ongsiako Law Offices; presidente rin ito ng Gemarvic Holdings Inc.
Si Roman Felipe Reyes ay kasalukuyang direktor ng Radio Philippines Network Inc.; Pampanga Sugar Development Company; All-Asian countertrade; Philippine Geothermal Production Company; at Converge ICT Solutions Incorporated.
Si Vicky Castillo Tan naman ay dating chairperson ng Maybank Inc. Corporate governance committee; dating Deputy president ng SteelAsia Manufacturing Inc.; at Senior Financial Analyst, Senior Advisor to the Vice president, regional cooperation and operations coordination division director, at Budget and Management Services Division Director ng ADB.
