ITINALAGA ni Pangulong Rodrigo Duterte si dating Davao City Councilor , Maria Belen “Mabel” Sunga Acosta bilang bagong chairperson ng Mindanao Development Authority (MinDA) na may anim na taong termino.
Pinalitan ni Acosta si dating MinDA Chair Secretary Emmanuel Piñol na nagbitiw sa pwesto para tumakbo sa pagkasenador sa 2022 elections.
Si Acosta ang ikalawang babae na humawak ng pinakamataas na pwesto sa ahensya na may cabinet level rank.
Bilang chairperson ng MinDA , pangungunahan ni Acosta ang mga initsyatibo para sa pagpapaunlad ng isla ng Mindanao.
Si Acosta ay siya ring Philippine Signing Minister sa Bimp Eaga of Brunei Darussalam, Indonesia Malaysia, Philippines, East Asean Growth Area.
Bago matalaga sa MinDA, nagsilbing konsehal sa Davao City si Acosta sa loob ng labing walong taon kung saan ay pinamunuan nito ang Committee on Peace and Public Safety , Committee on Education, Science and Technology , Arts and Culture.
Naging radio at tv anchor din si Acosta sa programang Gikan sa Masa Para sa Masa katuwang ang noo’y Davao City mayor at ngayo’y Pangulong Rodrigo Duterte.
