NAKIKITA ng kampo ni Marcos na pinagtutulungan ito ng mga kalaban para siraan at pabagsakin.
Aminado si Atty. Vic Rodriguez na meron silang nakikitang pattern para siraan ang imahe ni BBM.
Sa panayam ng SMNI news kay Rodriguez sinabi nito na may kaugnayan dito ang mga disqualification cases na kinakaharap nito ngayon sa Comelec.
“Alam mo MJ sinusundan namin yung pattern sinimulan yan sa mga mudslinging, character assasination, nauwi tayo sa nuissance petition. Yang mga DQ, yang mga cancellation ng Certificate of Candidacy at nakita naman natin yung pagbabasura ng 2nd division. At ngayon na naman itong bagong modus na naman nanghihingi na ng pera, ginagamit at sinisira ang pangalan ni Presidential aspirant Bongbong Marcos,”ayon kay Atty. Rodriguez.
