TINIYAK ng Philippine National Police (PNP) ang kanilang kahandaan sa pagpatutupad ng seguridad sa idaraos na 19th International Basketball Federation (FIBA) Basketball World Cup 2023 sa bansa.
Ayon kay PNP chief Police General Benjamin Acorda, Jr. na ipatutupad nila ang mga subok nang security framework mula sa matatagumpay na aktibidad na nangyari sa Pilipinas.
Kabilang ang security framework noong 2015 APEC Summit, 2015 Papal Visit, 2017 ASEAN Summit at 2020 Miss Universe Pageant.
Inorganisa rin ang Security Task Force (STF) FBWC 2023 na pangungunahan ng Acting Deputy Chief PNP for Operations (TADCO) bilang overall supervisor at Acting Director for Operations (TADO) bilang commander.
Ang FIBA Basketball World Cup 2023 ay mangyayari sa Agosto 25 – Setyembre 10.
Makakasama ng Pilipinas bilang host ng aktibidad ang Indonesia at Japan.
