NAPABILANG sa shortlist ng 2025 New York Festivals TV & Film Awards ang unang bahagi ng docuseries ng BINI na pinamagatang ‘BINI Chapter 1: Born to Win’.
Sa ilalim ito ng Best Documentary – Biography and Profiles category.
Isang milestone na naman ito para sa grupo, lalo na’t kamakailan lang ay nagkaroon sila ng breakthrough nang maabot ng kanilang music ang one billion all-time streams sa Spotify.
Sentro ng ‘BINI Chapter 1: Born to Win’ ang kwento ng grupo sa huling mga araw bago ang kanilang Biniverse o ang tatlong gabing debut performance nila sa New Frontier Theater noong Hunyo 28 hanggang 30, 2024.
Kasama rin sa Chapter 1 ng docuseries ang kanilang auditions, mga pagsubok sa panahon ng pandemya, maging ang mga personal na hamon tulad ng mental health struggles at iba pa.
Follow SMNI News on Rumble
