DICT Usec. David Almirol, sinuspinde ng Ombudsman sa umano’y conflict of interest

DICT Usec. David Almirol, sinuspinde ng Ombudsman sa umano’y conflict of interest

Sinuspinde ng anim na buwan ng Office of the Ombudsman si Department of Information and Communications (DICT) Usec. David Almirol Jr. dahil sa umano’y conflict of interest sa mga kontrata ng gobyerno na nagkakahalaga ng P1.55 billion.

Kaugnay ito ng walong e-government contracts na iginawad ng DICT sa mga kompanyang may financial relationship sa Multisys Technologies Corporation na itinatag ni Almirol.

Ayon sa Ombudsman, may records na nagpapakitang nanatiling stockholder si Almirol ng Multisys matapos siyang maitalaga sa DICT noong 2022.

Kasama sa mga kinaharap niyang reklamo ang grave misconduct at umano’y paglabag sa Republic Act No. 6713 o Code of Conduct and Ethical Standards for Public Officials and Employees.

Agad na ipatutupad ang suspensiyon at mananatili ito hanggang sa matapos ang administrative case.

Follow SMNI NEWS in Twitter