Exercise Alon 2023 sa pagitan ng Pilipinas at Australia, inilunsad

Exercise Alon 2023 sa pagitan ng Pilipinas at Australia, inilunsad

PORMAL nang inilunsad nitong, Agosto 14 ang Philippines-Australian Exercise Alon 2023.

Ito’y bilang bahagi ng ‘Indo-Pacific Endeavour’ ng Australia na layuning maitaguyod ang seguridad, katatagan, at pakipagtutulungan sa pamamagitan ng bilateral at multilateral engagement training, capacity building, at humanitarian efforts.

Ayon kay Armed Forces of the Philippines (AFP) Public Affairs Office chief Lieutenant Colonel Enrique Gil Ileto, ang Exercise Alon 2023 ay ang unang bilateral amphibious exercise sa pagitan ng Australia at Pilipinas.

Nabatid na pinangunahan ang opening ceremony ni Air Commodore Tony McCormack, Indo-Pacific Endeavour 2023 Commander, kasama si Lieutenant Colonel Noel Gallaza, Commander ng Philippine Marines Amphibious Landing Force sa flight deck ng HMAS Canberra landing helicopter dock ng Royal Australian Navy.

Kalahok sa pagsasanay ang 111 tauhan ng AFP.

 

Follow SMNI NEWS on Twitter

Follow SMNI NEWS on Rumble