BABAWASAN ng Department of Education (DepEd) ng 15-araw ang minimum 180 school days para sa nalalapit na academic year 2024-2025.
Para matiyak ayon sa ahensiya na wala na sa mga classroom ang mga mag-aaral at guro sa Abril at Mayo ng taong 2025.
Mapapansing tuwing Abril at Mayo madalas na nararanasan ang matinding init ng panahon.
Sa pagbabawas ng araw ng pasukan, magsisimula ang academic year 2024-2025 ngayong Hulyo 29 at magtatapos ito sa Marso 31 sa susunod na taon ayon kay DepEd Asec. Francis Bringas.
Samantala, maaaring magkaroon ng online classes tuwing weekends dahil sa pagbabawas ng school days.
Kung matatandaan, ipinag-utos na rin ni Pangulong Ferdinand R. Marcos Jr. na maibalik na sa lalong madaling panahon ang nakagawiang school calendar.
